ՀՀ Կառավարության որոշմամբ հաստատել է «ՀՀ տարածքից ջերմատնային արտադրության թարմ պտուղբանջարեղենի և ծաղիկների արտահանման աջակցության» միջոցառումը, որի նպատակն է աջակցել արտահանողներին։ Մասնավորապես, ծրագրի շրջանակում ջերմատնային արտադրության լոլիկ, պղպեղ, ելակ և ծաղիկ արտահանող տնտեսվարողներին տրամադրվելու է փոխհատուցում այլ երկրների շուկաներում մրցունակություն ապահովելու նպատակով։

Փոխհատուցում տրամադրվում է հետևյալ չափերով՝

• ելակի յուրաքանչյուր 1 կիլոգրամի համար 770 ՀՀ դրամ,
• լոլիկի յուրաքանչյուր 1 կիլոգրամի համար 275 ՀՀ դրամ,
• պղպեղի յուրաքանչյուր 1 կիլոգրամի համար 400 ՀՀ դրամ,
• ծաղիկի յուրաքանչյուր 1 հատի համար 37 ՀՀ դրամ։

Ծրագրի դիմելու կարգին, անհրաժեշտ փաստաթղթերի ցանկին և այլ մանրամսներին կարող եք ծանոթանալ հարթակի «ՀՀ տարածքից ջերմատնային արտադրության թարմ պտուղբանջարեղենի և ծաղիկների արտահանման աջակցության միջոցառում» էջում։