Պայմանագրային զինծառայողներին արտոնյալ պայմաններով հիփոթեքային վարկավորում տրամադրող պետական ծրագիրն ընդլայնել է հնարավորությունները. այսուհետ ծրագրից օգտվելու հնարավորություն է ընձեռնվում հայտ ներկայացրած և մասնակիցների ռեեստրում գրանցված բոլոր զինծառայողներին: Ըստ գործող որոշման՝ տարեկան նախատեսվում էր 500 տեղ. ինչպես նախորդ տարի, այս տարի ևս դիմորդների թիվն անցնում է հազարը։

Մյուս փոփոխությամբ զինծառայողներին հնարավորություն է ընձեռնվել վարկային պայմանագիր կնքել ՀՀ-ում գործող բոլոր բանկերի հետ։

Ծրագրի շրջանակում պետության կողմից կանխավճարի գծով պետական աջակցության չափը կազմում է 2.500.000 դրամ, իսկ  պետության կողմից սուբսիդավորվում է վարկի տոկոսադրույքից՝ 5 տոկոսային կետը։

Փոփոխությունների արդյունքում հանվել են վարկի ապահովագրությունների գծով սպասարկման վճարները։

Ծրագրի մասին այլ մանրամասների կարող եք ծանոթանալ Պետական աջակցության ծրագրերի իրազեկման հարթակի «Մատչելի բնակարան զինծառայողներին» էջում։