ՀՀ Կառավարությունը գործարկել է Ղարաբաղից տեղահանված կարիքավոր ընտանիքներին նախատեսված լրացուցիչ հրատապ սոցիալական աջակցության ծրագիր։

Ծրագրի շրջանակում ֆինանսական աջակցությունը կտրամադրվի այսպես․

• ընտանիքի առաջին տեղահանված անդամի համար՝ 40 000 դրամ,

• ընտանիքի յուրաքանչյուր հաջորդ տեղահանված անդամի համար՝ 10 000 դրամ։

Ծրագրից կարող են օգտվել այն ընտանիքները, որոնց մեկ անդամի ամսական եկամուտը չի գերազանցում 55 000 դրամը։

Մեկ անդամի եկամուտը հաշվարկվում է ընտանիքի ընդհանուր ամսական եկամուտը բաժանելով ընտանիքի անդամների թվին։

Ծրագրի մանրամասներին կարող եք ծանոթանալ հարթակի «Ղարաբաղից տեղահանված կարիքավոր ընտանիքներին լրացուցիչ հրատապ սոցիալական աջակցության ծրագիր» էջում։