Աջակցությունը կտրամադրվի հետևյալ չափերով՝
- ընտանիքի առաջին տեղահանված անդամի համար՝ 40000 դրամ,
- սկսած ընտանիքի տեղահանված երկրորդ անդամից՝ ընտանիքի յուրաքանչյուր տեղահանված անդամի համար՝ 10000 դրամ:
Միջոցառման իմաստով կարիքավոր ընտանիքներ են համարվում այն ընտանիքները, որոնց մեկ անդամի ամսական եկամտի չափը ցածր է 55000 դրամից: Ընդ որում, մեկ անդամի ամսական եկամտի չափը որոշվում է ընտանիքի ամսական եկամուտների հանրագումարի և ընտանիքի անդամների թվի հարաբերությամբ։
Միջոցառումից կարող են օգտվել նրանք, ովքեր՝
- հանդիսացել են միանվագ 100 հազար դրամ աջակցության ծրագրի շահառու,
- տեղահանվել են 2020 թ․ հետո և նրանց տվյալներն առկա են Օպերատիվ շտաբի կողմից տրամադրված՝ 2023 թվականի սեպտեմբերի 19-ի դրությամբ ՀՀ-ում գտնվող Ղարաբաղի բնակիչ հանդիսացած անձանց ցուցակներում
- Հաշվառված են Հայաստանի Հանրապետության ներքին գործերի նախարարության միգրացիայի և քաղաքացիության ծառայության բռնի տեղահանվածների տվյալների շտեմարանում
- հանդիսանում են Ղարաբաղից տեղահանված ընտանիքների բնակարանային ապահովման պետական աջակցության ծրագրին դիմած և շահառուի կարգավիճակ չստացած ընտանիքների (այդ թվում՝ մեկ անդամից բաղկացած) անհատական դեպքերն ուսումնասիրելու նպատակով համապատասխան հանձնաժողովի կայացրած որոշումների արդյունքում շահառուի կարգավիճակ ստացած անձինք ։
Դրամական աջակցություն ստանալու համար տեղահանված անդամն էլեկտրոնային եղանակով ներկայացնում է մեկանգամյա դիմում՝ մինչև 2026 թվականի դեկտեմբերի 15-ը ներառյալ։ Դրա համար դիմողը մուտք է գործում e-social.am կայքէջ, ստեղծում է «Սոցիալական աջակցության մասին» օրենքով սահմանված անհատական օգտահաշիվ` նույնականացվելով բնակչության պետական ռեգիստրի միջոցով:
Մուտք է գործում օգտահաշիվ, այցելում «Կյանքի դժվարին իրավիճակի հաղթահարում» բաժինը, այնուհետև մուտ գործում «ԼՂ բռնի տեղահանված կարիքավոր ընտանիքներին հրատապ աջակցություն» բաժինը և ներկայացնում՝
- իր և ընտանիքի անդամների անունը, ազգանունը, անձը հաստատող փաստաթղթի համարը կամ հանրային ծառայությունների համարանիշը (հանրային ծառայությունների համարանիշ չստանալու մասին տեղեկանքի համարը).
- հետադարձ կապի էլեկտրոնային փոստի հասցեն և բջջային հեռախոսահամարը.
- բնակավայրը (ընտրում է ցանկից).
- բնակության վայրի հասցեն.
- իր բանկային հաշվին կցված վճարային քարտի համարը և բանկը: