ՀՀ Կառավարության որոշմամբ գործարկվել է աջակցության նոր ծրագիր, որի նպատակն է խրախուսել աշխատողների ներգրավումը մշակող արդյունաբերության ոլորտում։ Ծրագրի շրջանակում պետությունը տնտեսավարողին փոխհատուցում է աշխատողի հետ աշխատանքային հարաբերությունների առաջին 12 ամիսների ընթացքում հաշվարկված աշխատավարձի և դրան հավասարեցված վճարումների նկատմամբ հաշվարկված եկամտային հարկը։ Յուրաքանչյուր տնտեսավարողի համար մեկ աշխատողի հաշվով աջակցությունը չի կարող գերազանցել 500 000 դրամը։

Ըստ ծրագրի պայմանների՝ փոխհատուցում կտրամադրվի մշակող արդյունաբերության ոլորտի տնտեսավարողներին՝ այն ՀՀ քաղաքացիների համար, որոնք՝

• 12 ամիս անընդմեջ տնտեսավարողի հետ գտնվել են աշխատանքային հարաբերությունների մեջ,
• աշխատանքային հարաբերությունների մեջ մտնելուն նախորդող 3 տարվա ընթացքում չեն աշխատել մշակող արդյունաբերության ոլորտում։ 

Լեռնային Ղարաբաղից բռնի տեղահանված անձանց դեպքում չափորոշիչներ չեն սահմանվում։

Ծրագրի այլ մանրամասներին կարող եք ծանոթանալ հարթակի «Մշակող արդյունաբերության ոլորտում աշխատողների ներգրավման ծրագիր» էջում։