ՀՀ Կառավարության որոշմամբ նորացված պայմաններով վերագործարկվել է տնտեսության արդիականացման կամ արտադրողականության խթանման նպատակային ծրագիրը։

Միջոցառման շրջանակներում շահառուներին հնարավորություն է ընձեռնվում ստանալ ՀՀ տարածքում գործող ֆինանսական կազմակերպությունների կողմից տրամադրված ՀՀ դրամով կամ արտարժույթով վարկի/լիզինգի տոկոսադրույքի սուբսիդավորում: Վարկի/լիզինգի առարկա կարող է հանդիսանալ՝ նոր (չօգտագործված) մեքենասարքավորումներ և դրանց բաղկացուցիչ մասեր։

Վարկի/լիզինգի մայր գումարի մարման արտոնյալ ժամանակահատված է սահմանված մինչև 6 ամիս։ Փոփոխված պայմանների համաձայն՝ վարկի/լիզինգի տոկոսադրույքի սուբսիդավորման չափը սահմանվում է՝

• Վարկի դեպքում՝ ՀՀ դրամով՝ 6%, արտարժույթով՝ 4%,
• Լիզինգի դեպքում՝ ՀՀ դրամով 8%, արտարժույթով՝ 6%։

Վարկի/լիզինգի սուբսիդավորվող առավելագույն չափը 1․000․000․000 դրամ է, ժամկետները՝ 

• վարկ/լիզինգի պայմանագիր՝ մինչև 120 ամիս,
• սուբսիդավորում՝ մինչև 42 ամիս։

Ծրագրի առանձնահատկություններին, շահառուների շրջանակին և այլ մանրամասների կարող եք ծանոթանալ  հարթակի «Տնտեսության արդիականացման միջոցառում» էջում։