Հայաստանի Հանրապետության կառավարությունը ընդլայնել է թարմ պտղի և սննդամթերքի ու խմիչքի առանձին տեսակների արտահանման աջակցության միջոցառումը՝ դրանում ներառելով նաև վերամշակման նպատակով դեղձի և թզի մթերումների պետական աջակցություն։

Մթերման համար սահմանվել են հետևյալ փոխհատուցման չափերը՝

• Սյունիքի մարզից մթերվող թզի յուրաքանչյուր 1 կիլոգրամի համար՝ 125 դրամ, ընդ որում՝ աջակցությունը տրամադրվում է մինչև 400 տոննա մթերվող թզի համար։
• ՀՀ տարածքից մթերվող դեղձի յուրաքանչյուր 1 կիլոգրամի համար՝ 125 դրամ։

Ծրագրի ամբողջական պայմաններին և փոխհատուցման տրամադրման ընթացակարգին կարելի է ծանոթանալ հարթակի «ՀՀ տարածքից թարմ պտղի և սննդամթերքի ու խմիչքի առանձին տեսակների արտահանման կամ վերամշակման նպատակով մթերման աջակցության ծրագիր» էջում։