Կաթվածի անհետաձգելի վարման ծառայությունների կազմակերպման դեպքում իրականացվում է ներերակային թրոմբոլիտիկ թերապիա և/կամ մեխանիկական թրոմբէկտոմիա` հիմք ընդունելով պացիենտի մոտ գլխուղեղի իշեմիկ կաթվածի կլինիկական նշանների դրսևորման ժամանակահատվածը և պացիենտի նյարդաբանական վիճակի գնահատման տվյալները: 

Բնակչության առողջության պահպանման և բարելավման ծրագրերի, առողջության համընդհանուր ապահովագրության շրջանակներում գլխուղեղի սուր կամ ենթասուր իշեմիկ կաթվածների թրոմբոլիտիկ բուժման և մեխանիկական թրոմբէկտոմիա ծառայությունները կազմակերպվում և իրականացվում են անվճար:

Ծրագիրն իրականացվում է 6 բժշկական հաստատությունում.

  Երևանում`

• «Սուրբ Գրիգոր Լուսավորիչ» ԲԿ

• «Էրեբունի» ԲԿ

•  Հերացի թիվ 1 հիվանդանոցային համալիր

• «Աստղիկ» ԲԿ

  Մարզերում`

• «Գյումրու» ԲԿ

• «Վանաձորի» ԲԿ

Կաթվածի անհետաձգելի վարման ծառայությունների կազմակերպման հիմք է հանդիսանում պացիենտի մոտ «գլխուղեղի սուր և/կամ ենթասուր իշեմիկ կաթված» ախտորոշումը` գլխուղեղի իշեմիկ կաթվածի կլինիկական նշանների ի հայտ գալու պահից 0-24 ժամվա  ընթացքում` ներառյալ տեղափոխման ժամանակահատվածը: