Միջոցառման նպատակն է ՀՀ-ում մասնավոր հատվածի ներդրումների խրախուսումը, ներդրումային առավել բարենպաստ միջավայրի և պայմանների, ինչպես նաև նոր արտաքին ներդրումների ներգրավման համար հնարավորությունների ստեղծումը։
Համաձայն օժանդակության ծրագրի՝ մասնավոր ներդրումները խթանելու նպատակով ՀՀ կառավարությունը ներդրումային ծրագիր իրականացնող կազմակերպությանը (կամ մեկից ավելի կազմակերպություններին, որոնք դիմել են միասին օժանդակություն ստանալու նպատակով) (այսուհետ՝ շահառու) տրամադրում է օժանդակություն ներդրումային ծրագրի իրականացման համար նախատեսված տարածքն անհրաժեշտ ենթակառուցվածքով ապահովման համար կատարված ծախսերի մասնակի փոխհատուցման ճանապարհով։ Սույն միջոցառման իմաստով ենթակառուցվածքներ են համարվում ճանապարհները, ջրամատակարարման (այդ թվում՝ ոռոգման նպատակով), ջրահեռացման, գազամատակարարման, էլեկտրամատակարարման և հեռահաղորդակցության համակարգերը։
Սույն միջոցառման իմաստով ներդրումային ծրագրի ընդհանուր ներդրումների արժեքը ներառում է ներդրումային ծրագրով նախատեսված, իսկ մեկից ավելի կազմակերպությունների` օժանդակություն ստանալու նպատակով միասին դիմելու դեպքում յուրաքանչյուրի ներդրումային ծրագրով նախատեսված համապատասխան գործունեության կազմակերպման համար անհրաժեշտ անշարժ գույքի (չի ներառում ենթակառուցվածքը) կառուցման (այդ թվում՝ վերակառուցման) և հիմնական միջոցների ձեռքբերման (այդ թվում՝ տեղափոխման և տեղադրման, այգիների դեպքում հիմնման՝ տնկման) համար իրականացված ծախսերի հանրագումարը (ներառյալ՝ հարկերը)։
Ընդհանուր ներդրումների արժեքում չեն ներառվում ենթակառուցվածքների կառուցման համար կատարված ծախսերը։
Ներդրումների ընդհանուր արժեքի հաշվարկի համար հիմք է ընդունվում միջոցառմամբ սահմանված պայմանագրի կնքումից հետո ներդրումային ծրագրի իրականացման համար կատարված ներդրումների արժեքը։
Ծրագրի պայմանները
Ծրագրից չեն կարող օգտվել այն շահառուները, որոնք արդեն ստացել են օժանդակություն հետևյալ որոշումների շրջանակներում՝
Պատասխանատու մարմինը հայտը ստանալուց հետո 10 աշխատանքային օրվա ընթացքում ուսումնասիրում է այն և թերությունների բացակայության դեպքում մեկամսյա ժամկետում Շահառուի հետ կնքում է պայմանագիր փոխհատուցման տրամադրման մասին։ Հայտի թերի լինելու դեպքում վերադարձվում է Շահառուին 5 աշխատանքային օրվա ընթացքում՝ հայտը շտկելու համար։ Հայտը ենթակա է մերժման, եթե նշված ժամկետում թերությունները շտկած հայտը չի ներկայացվել կամ կրկին ներկայացվել է թերի։
ՀՀ կառավարության 2022 թվականի օգոստոսի 24-ի N 1343-Ն որոշում
ՀՀ կառավարության 2015 թվականի հունվարի 15-ի N 30-Ն որոշում
Տեղեկատու հեռախոսահամար՝ հեռ.՝ (+374) 11 597 119։