Ծրագրերի իրականացման ծառայությունները ձեռքբերելու նպատակով հայտարարվելու են մրցույթներ՝ հետևյալ անվանակարգերով.
- «Ստեղծագործական կրթական ծրագրեր և նախագծեր»,
- «Կինոարվեստի նախագծեր»,
- «ՀՀ երաժշտական, արվեստի, գեղարվեստի, պարարվեստի դպրոցներում ուսումնամեթոդական և գործնական օգնություն, մանկավարժների դասալսումներ ծրագիր»,
- «Արվեստի ոլորտի ստեղծագործական ծրագրեր և նախագծեր»,
- «Մշակութային միջոցառումների իրականացում ՀՀ մարզերում»:
Հայտարարված մրցույթին հայտեր կարող են ներկայացնել www.armeps.am համակարգում գրանցված, իրավաբանական անձի կարգավիճակ ունեցող կազմակերպությունները:
Մրցույթին մասնակցելու համար անհարժեշտ է www.armeps.am համակարգի միջոցով ներկայացնել հայտ: Հայտին կցել տվյալ անվանակարգի հրավերով նախատեսված համապատասխան փաստաթղթերը (տեղեկությունները):
- Դիմում-հայտարարություն` համաձայն տվյալ անվանակարգի հրավերի,
- համատեղ գործունեության պայմանագիր, եթե մասնակիցները մրցույթին մասնակցում են համատեղ գործունեության կարգով (կոնսորցիումով),
- ծրագրի առաջարկ, որը համապատասխանում է տվյալ անվանակարգի հրավերով սահմանված պայմաններին, նպատակներին և առաջնահերթություններին՝ համաձայն տվյալ անվանակարգի հրավերի,
- կազմակերպության կանոնադրության և պետական ռեգիստրի վկայականի պատճեններ,
- տեղեկանք հարկային ծառայությունից՝ հարկային պարտավորություններ չունենալու վերաբերյալ,
- տեղեկանք նախագծի համագործակցող և համաֆինանսավորող կողմերի մասին (առկայության դեպքում),
- ծրագրին առնչվող նյութեր՝ լուսանկարներ, տեսանյութեր, ձայնագրություններ, էսքիզներ (առկայության դեպքում),
- նախկինում իրականացված միջոցառմանն առնչվող նյութեր՝ լուսանկարներ, լուսաբանման հղումներ (առկայության դեպքում),
- ֆինանսական նախահաշիվ: