«Խելացի» անասնաշենքերի կառուցման կամ վերակառուցման  ծրագրի միջոցով շահառուներին հնարավորություն է տրվում ծախսերի մասնակի փոխհատուցման կամ վարկերի տոկոսադրույքների մասնակի սուբսիդավորման միջոցով կառուցել կամ վերակառուցել «փոքր և միջին «խելացի» անասնաշենքեր և դրանց տեխնոլոգիական ապահովման համար աջակցություն ստանալ։

Յուրաքանչյուր շահառու նույն անասնաշենքի կառուցման կամ վերակառուցման և դրանց տեխնոլոգիական ապահովման նպատակով կարող է օգտվել նշված աջակցության միայն մեկ բաղադրիչից։ Ծրագրի նպատակն է բարելավել կենդանիների պահվածքի պայմանները` արդյունքում բարձ­րացնելով կենդանիների մթերատվության ցուցանիշները։

Շահառուները հնարավորություն ունեն առաջարկվող 3 մոդելներից մեկը՝

• 1-ին մոդել՝ 130-280 քառ. մետր արտադրական տարած­քով, անկապ պահվածքով նախատեսված առնվազն 10-15 գլուխ կենդանու համար։ Կառուցման և տեխնոլոգիական ապահովման համար ծախսերը գնահատվում են շուրջ 11 մլն ՀՀ դրամ։
• 2-րդ մոդել՝  281-450 քառ. մետր արտադրական տա­րած­­քով, անկապ պահվածքով նախատեսված առնվազն 20-25 գլուխ կենդանու համար: Կառուց­ման և տեխնոլոգիական ապահովման համար ծախսերը գնահատվում են շուրջ 23 մլն ՀՀ դրամ։
• 3-րդ մոդել՝ 451 և ավելի քառակուսի մետր արտադրական տա­րածքով, անկապ պահվածքով նախատեսված առնվազն 40-45 գլուխ կենդանու համար: Կառուց­ման և տեխնոլոգիական ապահովման համար ծախսերը գնահատվում է շուրջ 35 մլն ՀՀ դրամ։

Ծրագիրն իրականացվում է երկու բաղադրիչով՝

1. Ծախսերի մասնակի փոխհատուցում

• 1-ին մոդել՝ փոխհատուցումը կազմում է 5.5 մլն դրամ,
• 2-րդ մոդել՝ փոխհատուցումը կազմում է 11.5 մլն դրամ,
• 3-րդ մոդել՝ փոխհատուցումը կազմում է 17.5 մլն դրամ:

Ծանոթագրություն։ Զինվորական ծառայության պարտականությունների կատարման ժամանակ մարտական հերթապահության կամ գործողությունների իրականացման արդյունքում հաշմանդամ դարձած քաղաքացիների և սոցիալական աջակցություն ստացող սահմանամերձ բնակավայրերում գործունեության իրականացնող տնտեսավարողների և ագրարային ոլորտի բարձրագույն ու միջին մասնագիտական ուսումնական հաստատությունների հա­մար 1-ին մոդելի դեպքում՝ 7.7 մլն դրամ, 2-րդ մոդելի դեպքում՝ 16.1 մլն դրամ, իսկ 3-րդ մոդելի դեպքում՝ 24.5 մլն դրամ։

2. Վարկերի տոկոսադրույքների մասնակի սուբսիդավորում

• Վարկի առավելագույն գումարը՝
  1-ին մոդելի գնահատված ծախսի չափով՝  11 մլն ՀՀ դրամ,
  2-ին մոդել գնահատված ծախսի չափով՝  23 մլն ՀՀ դրամ,
  3-ին մոդել գնահատված ծախսի չափով՝  35 մլն ՀՀ դրամ,
• վարկի տոկոսադրույքը՝ 2%, զինվորական ծառայության պարտականությունների կատարման ժամանակ մարտական հերթապահության կամ
• գործողությունների իրականացման արդյունքում հաշմանդամ դարձած քաղաքացիների և սոցիալական աջակցություն ստացող սահմանամերձ բնակավայրերում գործունեության իրականացնող տնտեսավարողներին՝ 0% տոկոսադրույքով,
• վարկի մարման ժամկետը՝ մինչև 5 տարի,
• մայր գումարի արտոնյալ ժամկետը՝ մինչև 1 տարի:

Յուրաքանչյուր շահառու նույն անասնաշենքի կառուցման կամ վերակառուցման և դրանց տեխնոլոգիական ապահովման նպատակով կարող է օգտվել նշված աջակցության միայն մեկ բաղադրիչից։