Կոլոռեկտալ (հաստաղու, ուղիղ աղու, սիգմայաձև աղու և հետանցքի) քաղցկեղը մեծահասակների շրջանում ամենահաճախ հանդիպող չարորակ նորագոյացություններից է, հատկապես շատ են հիվանդության ուշ փուլում հայտնաբերված դեպքերը:

Հիվանդության վաղ հայտնաբերման նպատակով ՀՀ բուժհաստատություններում (Երևանի «Սուրբ Գրիգոր Լուսավորիչ» բժշկական կենտրոն,  Երևանի քաղաքապետարանի « Արաբկիր առողջության կենտրոն » և «Ավան առողջության կենտրոն,  Գյումրիի «Բեռլին պոլիկլինիկա», Գյումրու «Էնրիկո Մատտեի անվան պոլիկլինիկա», Գյումրու «Ն.Ա. Մելիքյանի անվան թիվ 2 պոլիկլինիկա») ներդրվել է «Կոլոռեկտալ քաղցկեղի վաղ հայտնաբերման սքրինինգային փորձարարական ծրագիրը», որը նախատեսված է իրականացնել մինչև 2026 թվականը։

• ՀՀ բնակչության 50-75 տարիքային խմբի բոլոր քաղաքացիները,
• կոլոռեկտակ քաղցկեղի հաստատված դիագնոզով պացիենտի՝ նույն հաստատությունում գրանցված 35-75 տարեկան առաջին կարգի ազգականները (կենսաբանական ծնողներ, կենսաբանական երեխաներ, հարազատ քույրեր և եղբայրներ)։