Ծրագրի շրջանակում աջակցություն է տրամադրվում բարձր տեխնոլոգիաների ոլորտում գործունեություն իրականացնող տնտեսավարող սուբյեկտներին՝

• աշխատանքային միգրանտների համար՝ եկամտային հարկի 60%-ի չափով (Միգրանտ է համարվում քաղաքացիություն չունեցող կամ օտարերկրա քաղաքացիություն ունեցող աշխատողը, որը մինչև 2022թ. մարտի 1-ը չի աշխատել ՀՀ-ում, աշխատանքի վարձատրության մասով եկամտային հարկ չի վճարել),
• նոր աշխատողների ներգրավման համար՝ աշխատողի եկամտային հարկի 60%-ի չափով (Նոր աշխատող է համարվում նախկինում բարձր տեխնոլոգիաների ոլորտում չաշխատած անձը: Այս դեպքում նոր աշխատողի կարգավիճակը վարձու աշխատողը պահպանում է աշխատանքի անցնելու պահից սկսած երեք օրացուցային տարիների համար՝ անկախ գործատուի փոփոխությունից),
• կադրերի վերապատրաստման համար՝ աշխատողի եկամտային հարկի 50%-ի չափով (Վերապատրաստված է համարվում միջազգային ճանաչում ունեցող հարթակներից հավաստագիր ստացած աշխատողը: Վերապատրաստման հետ կապված հիմնավորումները ուսումնասիրվում և ընդունվում են ՀՀ ԲՏԱ նախարարի հրամանով հաստատված կարգով: Հավաստագիրը ընդունվում է, եթե այն ստանալու օրվանից չի անցել 6 ամիս)։

Եռամսյակի համար տրամադրվող աջակցությունը չի կարող գերազանցել տնտեսավարող սուբյեկտի բոլոր աշխատողների գծով հաշվարկված եկամտային հարկի 50%-ը։ 

Աջակցությունը տրամադրվում է բարձր տեխնոլոգիաների ոլորտում գործունեություն իրականացնող տնտեսավարող սուբյեկտներին: Գործունեության տեսակների ամբողջական ցանկը` այստեղ:

Տնտեսավարող սուբյեկտը կարող է դիմել աջակցություն ստանալու համար, եթե դիմելու օրվան նախորդող օրվա դրությամբ չունի 100,000 դրամը գերազանցող հարկային պարտավորություն։

Աշխատանքային միգրանտների համար աջակցության չի տրամադրվի, եթե տվյալ աշխատողները մինչև 2022 թվականի մարտի 1-ը Հայաստանում աշխատավարձ են ստացել։

Նոր աշխատողների համար աջակցություն չի տրամադրվի, եթե՝


• տվյալ աշխատողները 3 օրացուցային տարվանից ավելի աշխատում են բարձր տեխնոլոգիաների ոլորտում,
• նախկինում եղել են բարձր տեխնոլոգիաների ոլորտի անհատ ձեռնարկատերեր կամ աշխատել են այդ ոլորտի այլ կազմակերպություններում և ստացել աշխատավարձ։

Աշխատողների պատրաստման կամ վերապատրաստման համար աջակցություն չի տրամադրվի, եթե՝
 

• վերապատրաստում իրականացնող մասնագիտական կենտրոնը ներառված չէ ՀՀ բարձր տեխնոլոգիական արդյունաբերության նախարարության հրապարակած ցանկում
• հավաստագիրը ստանալու օրվանից անցել է 6 ամիս։