Պետական կրթաթոշակ ստանալու համար սովորողը պետք է հայտարարությունը ՀՀ ԿԳՄՍՆ Բարձրագույն կրթության և գիտության կոմիտեի կայքում (www.hesc.am) հրապարակվելուց հետո մինչև տվյալ տարվա հոկտեմբերի 1-ը անհրաժեշտ փաստաթղթերը ներկայացնի Բարձրագույն կրթության և գիտության կոմիտե։

• դիմում-հայտ, որում պարտադիր նշվում է դիմողի անունը, ազգանունը, էլ․ հասցեն, հեռախոսահամարը` անձը հաստատող փաստաթղթի և հանրային ծառայության համարանիշի պատճենը,
• արտերկրի հեղինականավոր բուհում սովորելու փաստը հիմնավորող փաստաթուղթ (նոտարական վավերացմամբ),
• գործատուի անվանումը, ՀՎՀՀ-ն, գտնվելու վայրի հասցեն և բանկային տվյալները,
• գործատուի փոխհատուցումը հավաստող փաստաթուղթը և գործատուի հիմնավորումը,
• գործատուի և սովորողի միջև կնքված հանձնառության պայմանագրի պատճենը,
• սովորողի համաձայնությունը ՀՀ պետական մարմինների կողմից սույն որոշմամբ նախատեսված տեղեկությունների և անձնական տվյալների փոխանցման, ստացման, մշակման վերաբերյալ:

ՀՀ ռեզիդենտ առևտրային կազմակերպությունների աշխատակիցների ուսումը օտարերկրյա հեղինակավոր բարձրագույն ուսումնական հաստատություններում խթանելու նպատակով կրթաթոշակի տրամադրման կարգ, (հաստատվել է ՀՀ կառավարության 2025 թվականի մարտի 6-ի N 267-Ն  որոշմամբ)

ՀՀ ԿԳՄՍՆ բարձրագույն կրթության և գիտության կոմիտեի ծրագրերի իրականացման վարչության ուսանողների աջակցության բաժին՝ 010 300109 (+705, +734)։