Ծրագրի նպատակն է աջակցել ՀՀ-ից արտահանող ընկերություններին՝ փոխհատուցելով այն մաքսատուրքի գումարը, որը հաշվարկվում է ներմուծող երկրի օրենսդրությամբ։

Օժանդակությունը տրամադրվում է, եթե հայկական ծագում ունեցող ապրանքը արտահանվում է Եվրոպական միության անդամ պետություններ, Մեծ Բրիտանիայի և Հյուսիսային Իռլանդիայի Միացյալ Թագավորություն, Կանադա։

Փոխհատուցումը համարժեք է ներմուծող երկրում տվյալ ապրանքի համար սահմանված մաքսատուրքի դրույքաչափով հաշվարկված գումարին (առավելագույնը՝ 20%)։ Եթե հաշվարկված գումարների միջև տարբերություն կա, փոխհատուցումը տրամադրվում է դրանցից նվազագույնի չափով։ Եթե ներմուծման երկրում տվյալ ապրանքի համար սահմանված է զրոյական մաքսատուրք, փոխհատուցում չի տրամադրվում։

Պարտադիր պայմաններ՝

• Ապրանքը պետք է լինի մշակող արդյունաբերության արտադրանք (ՏԳՏԴ C բաժին), բացառությամբ որոշ ենթախմբերի (C 10.8, C 12, C 19, C 24, C 32.1)։
• Ապրանքի ծագման երկիրը պետք է լինի Հայաստանի Հանրապետությունը։
• Արտահանումը պետք է կատարված լինի «Արտահանում» կամ «Վերաարտահանում» մաքսային ընթացակարգով։
• Հայտ ներկայացնելու պահին և դրան նախորդող 365 օրերի ընթացքում արտահանողը չպետք է ունենա 1 մլն դրամ և ավելի հարկային գանձման որոշում կամ ժամկետանց հարկային պարտավորություններ։
• էկոնոմիկայի նախարարություն հայտ պետք է ներկայացվի  ապրանքի արտահանման գործընթացի ավարտից հետո վեցամսյա ժամկետում։

Ծրագրին կարող են դիմել՝

• Հայաստանի Հանրապետության ռեզիդենտ կազմակերպությունները,
• Հայաստանում հաշվառված անհատ ձեռնարկատերերը։