Ծրագրի շրջանակում ՀՀ-ում հաշվառված 0-28 տարիքային խմբի պացիենտներին ըստ պահանջարկի անվճար տրամադրվում են ինսուլինային անալոգներ` ուլտրակարճատև ազդեցության «Ինսուլին Նովոռափիդ Ֆլեքսփեն 100ՄՄ/մլ 3մլ» և երկարատև ազդեցության «Ինսուլին Լևեմիր 100ՄՄ/մլ 3մլ» դեղեր, ինսուլինային գրիչ-ներակիչներ։ Պացիենտներին վերոնշյալ դեղերի և ինսուլինային գրիչ-ներակիչների հետ միաժամանակ տրամադրվում են արյան մեջ գլյուկոզայի քանակը չափող սարքեր և նշված սարքերի թեսթ-երիզներ (0-18 տարեկան յուրաքանչյուր պացիենտին ամսական կտրվածքով 200 հատ խմբաքանակով, իսկ 18-22 տարեկաններին` ամսական կտրվածքով 100 հատ խմբաքանակով)։

ՀՀ-ում հաշվառված 0-18 տարիքային խմբի պացիենտներին տրամադրվում են Abbott ընկերության արտադրության «Ֆրի Սթայլ Լիբրե 2+» գլյուկոզայի շարունակական մոնիթորինգի համակարգեր (ԳՇՄՀ) և «Ֆրի Սթայլ Լիբրե 2+»  կարդացող սարքեր։

Ծրագրի շրջանակներում մինչև 18 տարեկան պացիենտներին դեղերի անհրաժեշտ չափաքանակները տրամադրվում են «Մուրացան» համալսարանական հիվանդանոցային համալիրի, «Արաբկիր» ԲՀ-ԵԴԱԻ-ի և «Գյումրի» բժշկական կենտրոնի  կողմից, 18 տարին լրանալուց հետո դեղերը սահմանված կարգով տրամադրվում են համապատասխան առողջության առաջնային պահպանման ծառայություններ մատուցող բժշկական կազմակերպության կողմից:

Ծրագրի շահառու կարող են դառնալ 0-28 տարեկան ինսուլինակախյալ պացիենտները: