Միջոցառման հիմնական նպատակն է ապահովել տեսողության խնդիրներով հաշմանդամություն ունեցող անձանց ինքնուրույն կենցաղավարման, տեղաշարժվելու, տրանսպորտից օգտվելու իրավունքը, ուսուցանել և զարգացնել անկախ կյանք վարելու հմտություններ, նպաստել նրանց սոցիալ-հոգեբանական խոչընդոտների հաղթահարմանը, սոցիալական ներառմանը հասարակություն:
Ծրագրի շրջանակում իրականացվում է տեսողության խնդիրներով հաշմանդամություն ունեցող անձանց սպիտակ ձեռնափայտով տեղաշարժվելու հմտությունների ուսուցանում և աջակցություն` հաղթահարելու սոցիալ-հոգեբանական բնույթի խոչընդոտները:
Ծառայությունները մատուցվում են Աշխատանքի և սոցիալական հարցերի նախարարության համաֆինանսավորմամբ՝ հասարակական կազմակերպություններին պատվիրակելու միջոցով։
Ծրագրից կարող են օգտվել տեսողության խնդիրներով հաշմանդամություն ունեցող անձինք։
Շահառուները կարող են դիմել` «Հայաստանի Կույրերի Միավորում հաշմանդամների» հասարակական կազմակերպություն (հասցե՝ Երևան, Ն․Տիգրանյան 15 շենք), իսկ 18 տարեկանից բարձր քաղաքացիները՝ Միասնական սոցիալական ծառայության տարածքային կենտրոն ուղեգիր ստանալու համար (ՄՍԾ տարածքային կենտրոնների հասցերները)։
ՀՀ ԱՍՀՆ թեժ գիծ՝ 114
Էլ.նամակ ուղարկել ՀՀ ԱՍՀՆ` [email protected]։