Պետության կողմից կենսաթոշակ կամ սոցիալական պաշտպանության (ապահովության) ծրագրերով նախատեսված՝ պարբերական բնույթ կրող (որոշակի կամ անորոշ ժամկետով տրվող) նպաստ կամ դրամական այլ վճարն անկանխիկ եղանակով ստացող այն քաղաքացիները, ովքեր ՀՀ տարածքում գործող առևտրի կետերում և ծառայություններ մատուցող կազմակերպություններում վճարային քարտերով ու վճարում ընդունող սարքերով կկատարեն գործարքներ, հաջորդ ամիս կստանան 10 %-ի չափով հետվճար։
Հետվճարի մեխանիզմը գործում է նաև կոմունալ վճարումների (գազի, էլեկտրաէներգիայի, խմելու ջրի, ֆիքսված և բջջային հեռախոսի մատակարարման) ծառայությունների դեպքում, եթե դրանք կատարվեն կենսաթոշակային քարտը թողարկած բանկի բանկոմատների միջոցով։
Ծրագրով նախատեսված՝ անկանխիկ գործարքի գումարի հետվճարի չափը կազմում է 10%, որը ձևավորվում է միջոցառման մասնակիցների հատկացումներից՝ հետևյալ համամասնությամբ՝
1) պետություն՝ 5%.
2) գործընկեր բանկ՝ 5%:
Հետվճարի նախատեսված գումարի ընդհանուր չափը չի կարող գերազանցել 5000 դրամը՝ անկախ կատարված անկանխիկ գործարքների մեծությունից։
Ծրագրի շահառուն են կենսաթոշակ կամ նպաստ ստացող ՀՀ բոլոր քաղաքացիները, ովքեր հետևյալ բանկերի քարտապաններ են՝
Եթե նշված բանկերի քարտապան չեք, ետվճարային ծրագրից օգտվելու համար անհրաժեշտ է փոխել բանկը։ Բանկը փոխելու դիմումը կարող եք ներկայացնել առցանց եղանակով՝ մուտք գործելով socservice.am կայքէջի «Առցանց դիմումներ» բաժնի «Մուտքագրել վճարող կազմակերպության փոփոխության դիմում» պատուհան (հղումը՝ https://online.ssa.am/index.php?r=site%2Findex-pension) կամ մոտենալ Միասնական սոցիալական ծառայության ցանկացած տարածքային կենտրոն (Կենտրոնների հասցենեին կարող եք ծանոթանալ այս հղումով՝ https://socservice.am/offices):
Դիմում ներկայացնելու անհրաժեշտություն չի պահանջվում։
Աշխատանքի և սոցիալական հարցերի նախարարություն
Աշխատանքի և սոցիալական հարցերի նախարարություն
Աշխատանքի և սոցիալական հարցերի նախարարություն
ՀՀ ԱՍՀՆ թեժ գիծ՝ 114
Էլ.նամակ ուղղարկել ՀՀ ԱՍՀՆ