Կառավարության որոշմամբ Լոռու և Տավուշի մարզերում հեղեղումների պատճառով տուժած այն ընտանիքներին, որոնք ունեն զոհ կամ ում բնակության համար նախատեսված փաստացի  օգտագործված անշարժ գույքը վնասվել է, տրամադրվում է սոցիալական աջակցություն։

Աջակցության չափը կազմում է՝

• զոհված անձանց ընտանիքների դեպքում՝ 1 մլն դրամ,
• Լոռու մարզի Ալավերդի համայնքի և Տավուշի մարզի Նոյեմբերյան համայնքի Այրում բնակավայրի դեպքում՝ ընտանիքի յուրաքանչյուր անդամի հաշվարկով՝ 60 հազար դրամի չափով,
• Լոռու մարզի Թումանյան, Փամբակ, Տաշիր, Ստեփանավան, Գյուլագարակ համայնքների և Տավուշի մարզի Նոյեմբերյան համայնքի Արճիս, Բագրատաշեն, Դեբեդավան, Հաղթանակ, Պտղավան բնակավայրերի և Դիլիջան ու Իջևան համայնքների դեպքում՝ ընտանիքի յուրաքանչյուր անդամի հաշվարկով՝ 40 հազար դրամի չափով։

Ծրագրի շահառու դառնալու համար դիմումներն ընդունվում են մինչև 2024 թ․ օգոստոսի 31-ը ներառյալ։  

Ծրագրի մանրամասներին կարող եք ծանոթանալ աջակցության ծրագրերի իրազեկման հարթակի «Սոցիալական աջակցություն՝ Լոռու և Տավուշի մարզերում հեղեղումների պատճառով տուժած ընտանիքներին» էջում։