ՀՀ բարձր տեխնոլոգիական արդյունաբերության նախարարությունը մեկնարկում է տեխնոլոգիական ընկերությունների կադրային համալրմանն ու վերապատրաստմանն ուղղված  «Կարողությունների զարգացում» ծրագիրը։

Դասընթացներով նախատեսվում է տրամադրել «վաուչերներ» տեղեկատվական տեխնոլոգիաների և ինժեներության ոլորտներում գործունեություն իրականացնող կազմակերպություններին: Վերոնշյալ «վաուչերները» տրամադրվելու են բացառապես կադրային ապահովման կամ կադրերի կարողությունների զարգացման նպատակով: Տրամադրվելու է ներկայացված կրթական ծրագրի արժեքի 75 տոկոսը, բայց ոչ ավել, քան 2 միլիոն ՀՀ դրամը:

Մրցույթի ընդհանուր բյուջեն 200,000,000 (երկու հարյուր միլիոն) ՀՀ դրամ է։ 

Հայտերն ընդունվում են մինչև 2024 թվականի մայիսի 13-ը՝ ժամը 16:00-ն: 

Ծրագրի այլ մանրամասներին կարող եք ծանոթանալ պետաջակցության ծրագրերի իրազեկման հարթակի ««Կարողությունների զարգացում» դրամաշնորհային ծրագիր» էջում։