Հանրային ծառայողներին բնակարանային ապահովման պետական ծրագրի երկրորդ փուլի շրջանակում հանրային ծառայողներին հնարավորություն է ընձեռնվում Երևան քաղաքի Արաբկիր վարչական շրջանի Գրիբոյեդովի փողոցի N 48 հասցեում կառուցվող Կոմիտաս Պարկ բնակելի թաղամասում բնակարաններ և ավտոկայանատեղիներ ձեռք բերել շուկայականից ցածր գնով։
Թաղամասի կառուցապատումն իրականացվում է երկու փուլով։ Երկրորդ փուլով կառուցվող 13 մասնաշենքերից 5-ը Կառուցապատող ընկերության կողմից տրամադրվում է հանրային ծառայողներին բնակարաններով ապահովման ծրագրի շրջանակներում, որի համար նախատեսված վաճառքի մասնաշենքերն են՝ թիվ 12, 13, 19, 20, և 21։ Գործում է եկամտահարկի վերադարձի մասին օրենքը և կառուցապատողից բնակարան ձեռք բերելու բոլոր առավելությունները։ Վաճառքը իրականացվում է թե՛ կանխիկ տարբերակով, և թե հիփոթեքային վարկի միջոցով։
Ծրագրի շահառու կարող են դառնալ՝
- պետության աջակցությամբ իրականացվող պետական ծառայողներին բնակարաններով ապահովման ծրագրերի շահառու չհանդիսացող (Երևան քաղաքի Ադոնցի փողոցի N 6/1, N 6/2, N 6, N 4, N 4/3, N 19/8, ինչպես նաև Գրիբոյեդովի փողոցի N 48 (առաջին փուլ) հասցեներում կառուցված կամ կառուցվող բազմաբնակարան շենքային համալիրներում բնակարանի ձեռքբերման իրավունք չստացած անձինք) և «Հանրային ծառայության մասին» օրենքով նախատեսված պաշտոններ զբաղեցնող, ինչպես նաև «Հանրային ծառայության մասին» օրենքով նախատեսված մարմինների հաստիքացուցակով նախատեսված քաղաքացիական աշխատանք կատարող և տեխնիկական սպասարկում իրականացնող անձինք, որոնց գործատուն և աշխատավայրը գտնվում են Երևան քաղաքում։
- օտարերկրյա պետություններում գտնվող` ՀՀ դիվանագիտական ծառայության մարմիններում դիվանագիտական պաշտոն զբաղեցնող անձինք:
- ՀՀ վարչապետի համաձայնությամբ, որպես խրախուսում, պետական և տեղական ինքնակառավարման մարմինների ենթակայության տակ գործող ՊՈԱԿ-ների և ՀՈԱԿ-ների, հարյուր տոկոս պետական բաժնեմաս ունեցող առևտրային կազմակերպությունների, ինչպես նաև ԾԻԳ-երի այն աշխատակիցները, որոնց գործատուն և աշխատավայրը գտնվում են Երևան քաղաքում։
Քաղաքաշինության կոմիտե
Թեժ գիծ (+374 11) 621-769
Քաղաքաշինության կոմիտեի բնակարանային ծրագրերի բաժին՝ (+374 11) 621-776, (+374 11) 621-714
Էլ.նամակ ուղարկել Քաղաքաշինության կոմիտե։
Կոմիտաս պարկ բնակելի թաղամասի պաշտոնական կայքէջ