Ծրագրի շահառուները անհրաժեշտ փաստաթղթերով դիմում են համապատասխան բժշկական հաստատություններ։
Հիվանդի ախտորոշումը բժշկական կազմակերպությունում հաստատվում է բուժող բժշկի, բաժնի վարիչի կողմից։
Քիմիաթերապիայի ռեժիմի և տրաստուզումաբ դեղի նշանակումը կատարվում է բուժող բժշկի կողմից, հաստատվում է բժշկական կազմակերպության ղեկավարի կամ բաժնի վարիչի կողմից։
Բժշկական կազմակերպությունները Առողջապահության նախարարություն են ներկայացնում հիվանդների վերաբերյալ տրաստուզումաբ դեղի առաջին հատկացումը իրականացնելու համար անհրաժեշտ  տվյալներ:
Տվյալների ամփոփումից հետո, Առողջապահության նախարարության կողմից իրականացվում է տրաստուզումաբ դեղի բաշխում` բժշկական կազմակերպություններին եռամսյակային, իսկ անհրաժեշտության դեպքում ամսեկան կտրվածքով: 
Բժշկական կազմակերպությունները սկսած տարեսկզբից (յուրաքանչյուր եռամսյակ)` մինչև հաջորդ եռամսյակի առաջին ամսվա 20-ը Առողջապահության նախարարություն են ներկայացնում հաշվետվություններ` բժշկական կազմակերպություններում դեղերի առկա մնացորդների, ծախսի, հաշվառված հիվանդների թվի, հիվանդի տվյալների, բնակության վայրի, հատկացված դեղի քանակի վերբերյալ:
Համապատասխան հիվանդներին տրաստուզումաբ դեղը առաջին տարում հատկացվում է առավելագույնը 13 սրվակ քանակով, հաջորդ տարիներին՝ առավելագույնը 17 սրվակ քանակով։ Պրոգնոստիկ առումով ֆավորիտ  դեպքերում կամ ուղեկցող հիվանդություններով տարեց հիվանդների մոտ ըստ բժշկի որոշման տրաստուզումաբ դեղը կարող է 17 ներարկման փոխարեն կիրառվել 9 ներարկում, այսինքն` վեց ամիս։
Տրաստուզումաբ դեղով բուժում ստացող հիվանդների տվյալների վերանայման համար, բժշկական կազմակերպության քիմիաթերապիայի բաժնի վարիչը 6 ամիսը 1 անգամ, հիվանդի կրկնակի էպիկրիզը ներկայացնում է Առողջապահության նախարարության ուռուցքաբանության գծով խորհրդատուին: Էպիկրիզում պարտադիր պետք է ներառված լինեն կրկնակի ՀՇ կամ սոնոգրաֆիկ հետազոտությունների արդյունքները։
 

• Հիվանդի էպիկրիզ
• անձնական տվյալներ․ անձնագրի պատճեն կամ անհատական քարտի պատճեն
• կոնտակտային տվյալներ:
   

Ներկայացվող էպիկրիզում ներառվող տվյալների պարտադիր առկայությունը, ըստ հիվանդության փուլերի՝ համաձայն NCCN 2020 ուղեցույցի.

• Եթե կլինիկական փուլը համապատասխանում է T0-3, N1, M0; T1-3, N0-1, M0, ապա էպիկրիզի համար սահմանվում է հետևյալ տվյալների պարտադիր առկայությունը.
  ►հիվանդության պատմության և ֆիզիկական քննության նկարագրություն,
  ►բիլատերալ մամոգրաֆիայի տվյալներ,
  ►անհրաժեշտության դեպքում սոնոգրաֆիկ հետազոտության տվյալներ,
  ►կրծքագեղձի MRI հետազոտության տվյալները պարտադիր չեն, MRI հետազոտությունը ենթադրվում է որպես լրացուցիչ հետազոտություն՝ հատկապես մամոգրաֆիայի տվյալներով աղոտ ուռուցքների առկայության դեպքում,
  ►ուռուցքի պաթոլոգիական հետազոտության տվյալներ,
  ►ուռուցքի իմունոհիստոքիմիական հետազոտության, ռեցեպտորային ստատուսի տվյալներ,
  ►հղիության թեստի պարտադիր կիրառում ծննդաբերելու պոտենցիալ ունեցող բոլոր կանանց մոտ (ոչ պարտադիր),
• Լրացուցիչ հետազոտությունները T0-3, N1, M0; T1-3, N0-1, M0 կլինիկական փուլում ցուցված են կատարելու, եթե կան մետաստատիկ պրոցեսի առկայության կասկածներ.
  ►արյան ընդհանուր քննություն,
  ►նյութափոխանակության համապարփակ հետազոտություն, այդ թվում լյարդի ֆունկցիոնալ թեստեր, հիմնային ֆոսֆատազայի որոշում,
  ►ոսկրերի ռադիոնուկլիդային սցինտիգրաֆիա (կամ PET/CT*), եթե առկա է հիմնային ֆոսֆատազայի բարձր ցուցանիշներ, կամ առկա են գանգատներ ոսկրային ցավերից,
  ►հիմնային ֆոսֆատազայի կամ լյարդի ֆունկցիոնալ թեստերի շեղումների դեպքում, որովայնային սիմպտոմների առկայության դեպքում, որովայնի և կոնքի ֆիզիկական, հետազոտության ժամանակ հայտնաբերվող շեղումների դեպքում ցուցված է որովայնի և կոնքի օրգանների կոնտրաստ համակարգային շերտագրման (ՀՇ) հետազոտություն կամ մագնիտառեզոնանսային հետազոտություն կոնտրաստով,
  ►կրծքավանդակի ՀՇ հետազոտություն կոնտրաստով, եթե առկա են թոքային ախտանիշներ,
  ►PET/CT* (տվյալ հետազոտության փոխարեն կարող է հիմք ընդունվել պոլիօրգանային կոնտրաստ համակարգային շերտագրման հետազոտությունը),
• եթե կլինիկական փուլը համապատասխանում է ≥ T2, M0 կամ ≥N1, M0, ապա էպիկրիզում պարտադիր է հետևյալ տվյալների առկայությունը,
  ►հիվանդության պատմություն և ֆիզիկական քննություն,
  ►բիլատերալ մամոգրաֆիայի տվյալներ,
  ►անհրաժեշտության դեպքում սոնոգրաֆիկ հետազոտության տվյալներ,
  ►անութափոսերի հետազոտության տվյալներ՝ ուլտրաձայնային հետազոտություն, դիտարկել կասկածելի ավշային հանգույցների մաշկային բիոպսիա,
  ►ուռուցքի պաթոլոգիական հետազոտության տվյալներ,
  ►ուռուցքի իմունոհիստոքիմիական հետազոտություն, ռեցեպտորային ստատուսի որոշում,
  ►հղիության թեստի պարտադիր կիրառում ծննդաբերելու պոտենցիալ ունեցող բոլոր կանանց մոտ (ոչ պարտադիր),
• լրացուցիչ հետազոտությունները ≥ T2, M0 կամ ≥N1, M0 կլինիկական փուլում պարտադիր են, այդ թվում՝
  ►արյան ընդհանուր քննություն,
  ►նյութափոխանակության համապարփակ հետազոտություն, ներառյալ լյարդի ֆունկցիոնալ թեստերը և հիմնային ֆոսֆատազան,
  ►կրծքավանդակի դիագնոստիկ ՀՇ՝ կոնտրաստի կիրառմամբ,
  ►որովայնի խոռոչի և կոնքի օրգանների ՀՇ՝ կոնտրաստով կամ մագնիտառեզոնանսային հետազոտություն՝ կոնտրաստով,
  ►PET/CT (տվյալ հետազոտության փոխարեն կարող է հիմք ընդունվել պոլիօրգանային կոնտրաստ համակարգային շերտագրման հետազոտությունը),
  ►կրծքագեղձի MRI հետազոտությունը պարտադիր չէ, ենթադրվում է որպես լրացուցիչ հետազոտություն՝ հատկապես մամոգրաֆիայի տվյալներով աղոտ ուռուցքների առկայության դեպքում,
• էպիկրիզում ներկայացվող իմունոհիստոքիմիական հետազոտության չափանիշները (Հորմոնալ ռեցեպտորների և HER2/neu ռեցեպտորների ստատուսի ախտորոշումը պետք է կատարված լինի իմունոհիստոքիմիական հետազոտության լիցենզավորված լաբորատորիայում՝ համապատասխանելով ASCO/CAP ուղեցույցների մեթոդոլոգիայի վերջին թարմացումներին),
• այն դեպքում, երբ ծրագրում ընդգրկված հիվանդի մոտ նախավիրահատական կամ հետվիրահատական բուժման փուլում գրանցվում է մետաստազների զարգացում, ապա տվյալ հիվանդը կարող է ստանալ իրեն հասանելիք տրաստուզումաբ դեղը պետության կողմից տրամադրվող տարեկան առավելագույն քանակով, եթե տրաստուզումաբ դեղով բուժումը ցուցված է շարունակել,
• ծրագրում կարող են ընդգրկվել I-III փուլի դրական HER2/neu կրծքագեղձի քաղցկեղ ունեցող արական սեռի այն հիվանդները, ում ցուցված է բուժումը տրաստուզումաբ դեղով՝ NCCN 2020 ուղեցույցի բուժման ցուցումներին համապատասխան:
   

Հայաստանի Հանրապետության առողջապահության նախարարի 2020 թվականի մարտի 25-ի թիվ 1094-Լ հրաման,

ՀՀ ԱՆ թեժ գիծ՝ 8003,
Տեղեկատու հեռ.` (+374 60) 80 80 03 /2304։