Երեխաների` առողջության համընդհանուր ապահովագրության և բնակչության առողջության պահպանման և բարելավման ծրագրերի շրջանակներում անվճար հիվանդանոցային պայմաններում բժշկական օգնությունն ու սպասարկումը կարող է իրականացվել հետևյալ պայմաններում`

• հիվանդանոցային պայմաններում շուրջօրյա հիվանդանոցային հսկողության պահանջող դեպքերի բժշկական օգնություն և սպասարկում .
• ցերեկային ստացիոնարի պայմաններում ` շուրջօրյա հիվանդանոցային հսկողության չպահանջող դեպքերի  բժշկական օգնություն և սպասարկում.
• արտահիվանդանոցային պայմաններում մասնագիտացված խորհրդատվություն և բժշկական օգնություն`
• անհետաձգելի կարճատև բժշկական օգնության (այսուհետ, Էմերջենսի) բաժանմունքներում կամ ծավալված մահճակալների վրա` անհետաձգելի կարճատև (2-ից մինչև 24 ժամ) հիվանդանոցային հսկողություն պահանջող դեպքերում:

ԱՀԱ շրջանակներում հիվանդանոցային պայմաններում (այդ թվում` սուր և ենթասուր վերականգնողական) բժշկական օգնության և սպասարկման կազմակերպումն ու իրականացումը ներառում է`

• հիվանդանոցային պայմաններում բժշկական օգնությունն ու սպասարկումը.
•  վարակիչ hիվանդությունների բուժումը.
•  սեռական ճանապարհով փոխանցվող և մաշկային հիվանդությունների բժշկական օգնությունը և սպասարկումը բժշկական օգնության և սպասարկման տվյալ տեսակի գծով Հիմնադրամի հետ Պայմանագիր ունեցող բժշկական կազմակերպություններում.
• չարորակ նորագոյացությունների (այդ թվում օնկոհեմատոլոգիական հիվանդությունների) բժշկական օգնությունը և սպասարկումը, ինչպես նաև ախտորոշման ճշտման նպատակով մասնագիտական խորհրդատվությունը և հետազոտումը` մասնագիտացված կենտրոններում.
• հոգեկան խանգարումների բուժումը և մասնագիտական խնամքը՝ բժշկական օգնության և սպասարկման տվյալ տեսակի մասով լիցենզիա և Պայմանագիր ունեցող բժշկական կազմակերպությունների մանկական հոգեբուժական բաժանմունքներում` մանկական հոգեբուժական դիսպանսերների հոգեբույժների էլեկտրոնային ուղեգրմամբ.
• նորածինների բժշկական օգնության և խնամքի կազմակերպումը.
• հեմոդիալիզային բժշկական օգնության և սպասարկման կազմակերպումն ու իրականացումը.
• համապատասխան բժշկական ցուցումներով, դոնորական արյան բաղադրամասերի տրամադրումը
• արտահիվանդանոցային պայմաններում բժշկական օգնության և սպասարկման իրականացումը,
• քրոնիկ հիվանդ երեխաների մասնագիտացված դիսպանսերային հսկողության իրականացումը.
• ախտորոշման ճշտման նպատակով նեղ մասնագիտական խորհրդատվության և ըստ անհրաժեշտության լաբորատոր-գործիքային ախտորոշիչ հետազոտությունների իրականացումը արտահիվանդանոցային պայմաններում առողջության առաջնային պահպանման բժշկական կազմակերպության բժշկի ուղեգրմամբ.
• ԱՀԱ շրջանակներում է իրականացվում նաև երեխաների, այդ թվում նորածինների արտագնա անհետաձգելի մասնագիտացված շտապ բժշկական օգնության կազմակերպումը և ըստ անհրաժեշտության տեղափոխումը: 

 
Հայաստանի Հանրապետության քաղաքացի հանդիսացող երեխաների առողջության պահպանման և բարելավման բժշկական օգնության և սպասարկման կազմակերպման ու իրականացման ծրագրերի շրջանակներում ապահովվում են նաև`

• 28 օրականից մինչև 18 տարեկան երեխաների հոսպիտալացումը վերակենդանացման միջոցառումներ, ինտենսիվ թերապիա և անհետաձգելի կարճաժամկետ հիվանդանոցային պայմաններում բուժում պահանջող դեպքերում կարող է իրականացվել առանց ուղեգրի,
• քրոնիկ հիվանդությունների և ֆիզիկական և շարժողական խանգարումներով պայմանավորված վիճակների վերականգնողական բժշկական օգնությունն ու սպասարկումը, ցերեկային ստացիոնար կամ արտահիվանդանոցային պայմաններում
• մտավոր, հոգեկան, լսողական և զարգացման այլ հապաղումներ և խանգարումների հետևանքով առաջացած հիվանդությունների և վիճակների վերականգնողական բուժումը` ցերեկային ստացիոնար կամ արտահիվանդանոցային պայմաններում.
• երեխաների առողջարանային բուժումը,
• երեխաների հիվանդանոցային պայմաններում պալիատիվ բժշկական օգնությունն ու սպասարկումը.
• երեխաների շարժական պալիատիվ բժշկական օգնությունն ու սպասարկումը.
• մինչև 1 տարեկան երեխաների հիվանդանոցային պայմաններում բժշկական օգնությունն ու սպասարկումը.
• իվանդությունների բացահայտման նպատակով նորածինների սքրինինգների կազմակերպումը և իրականացումը, այդ թվում բնածին հիպոթիրեոզի, ֆենիլկետոնուրիայի, լսողության, անհասության ռետինոպաթիայի, սրտի կրիտիկական բնածին արատների, կոնքազդրային հոդի դիսպլազիայի, ադրենոգենիտալ համախտանիշի, աչքի սքրինինգների իրականացումը.
• ֆենիլկետոնուրիայով հիվանդ երեխաներին հատուկ բուժական կաթնախառնուրդով ապահովումը` մասնագիտական եզրակացության հիման վրա.
• ՀՀ կառավարության 2015 թվականի սեպտեմբերի 25-ի N 1105-Ն որոշմամբ սահմանված «Մանկական սնունդը և հարակից ապրանքներն անվճար կամ ցածր գներով տրամադրելու կարգը սահմանելու մասին» N 1105-Ն որոշմամբ սահմանված մանկական սնունդի տրամադրումը.
• փոխպատվաստման և փոխպատվաստված երեխաների շարունակական բժշկական օգնության և սպասարկման ծառայություններ.
• տուբերկուլոզով հիվանդների հիվանդանոցային պայմաններում բժշկական օգնությունը և սպասարկումը
• հոգեկան և նարկոլոգիական հիվանդությունների բժշկական օգնության ծառայություններ.
• ինֆեկցիոն, այդ թվում ՄԻԱՎ/ՁԻԱՀ-ի, հիվանդությունների բժշկական օգնության ծառայություններ.
• հեմոդիալիզի և պերիտոնեալ դիալիզի ծառայություններ.
• hիվանդանոցային պայմաններում արտահիվանդանոցային անհետաձգելի բժշկական օգնության ծառայություններ.
• այրվածքաբանական ծառայություններ:

Ծրագրի շահառու կարող են դառնալ մինչև 18 տարեկան ՀՀ քաղաքացի, ռեզիդենտ (բացառությամբ մինչև 1 տարեկան երեխաների) հանդիսացող երեխաներ: