Ծրագրի նպատակը՝ զինծառայության ընթացքում վնասվածք ստանալու կամ հիվանդություն ձեռք բերելու հետևանքով հաշմանդամություն ստացած զինծառայողներին, զոհված (մահացած) զինծառայողների ընտանիքներին դրամական աջակցությունների, ինչպես նաև զոհված (մահացած) զինծառայողների հուղարկավորության, գերեզմանի բարեկարգման, տապանաքարի պատրաստման և տեղադրման հետ կապված ծախսերի հատուցման տրամադրումն է:
Ծրագրի շրջանակներում օրենսդրությամբ սահմանված կարգով և չափերով աջակցության և հատուցման միանվագ գումարները տրամադրվում են ՀՀ աշխատանքի և սոցիալական հարցերի նախարարության միջոցով:
Ծրագրի շահառու կարող են դառնալ.
- Առաջին անգամ Ֆունկցիոնալության համապատասխան աստիճանի սահմանափակումով հաշմանդամություն ձեռք բերած զինծառայողները,
- մահացած զինհաշմանդամի ընտանիքի անդամները,
- զոհված (մահացած), անհայտ կորելու հետևանքով դատական կարգով մահացած ճանաչված զինծառայողների ծնողները, ամուսինը և զավակները:
Զինհաշմանդամները կամ մահացած զինաշմանդամներիի կամ ծառայության ընթացքում ստացած վնասվածքի կամ հիվանդության պատճառով ծառայությունից սահմանված կարգով արձակված նախկին զինծառայողների կամ զոհված (մահացած), անհայտ կորելու հետևանքով դատական կարգով մահացած ճանաչված զինծառայողների ընտանիքների անդամները դիմումը և անհրաժեշտ փաստաթղթերը պետք է անձամբ ներկայացնեն ՀՀ ՊՆ զինծառայողների սոցիալական պաշտպանության վարչություն կամ ուղարկեն ՀՀ ՊՆ տարածքային զինկոմիսարիատների և տեղական ինքնակառավարման մարմինների միջոցով:
Զինհաշմանդամներին դիմումին կից անհրաժեշտ է ներկայացնել.
- Ֆունկցիոնալության գնահատման իրավասու պետական մարմնի կողմից տրված տեղեկանքը,
- ՀՀ ՊՆ կենտրոնական ռազմաբժշկական փորձաքննական կենտրոնի եզրակացությունը,
- զինհաշմանդամի անձնագիրը (կամ նույնականացման քարտը), սոցիալական քարտը (հանրային ծառայությունների համարանիշը կամ հանրային ծառայությունների համարանիշ չստանալու վերաբերյալ տեղեկանքը),
- անձնագրային բաժնից` զինհաշմանդամի բնակության հաշվառման վայրի վերաբերյալ տեղեկանք` տրված բնակչության պետական ռեգիստրի համապատասխան ստորաբաժանման կողմից։
Մահացած զինհաշմանդամների ընտանիքների անդամներին անհարժեշտ է ներկայացնել զինծառայողի՝
- Մահվան վկայականը,
- ծննդյան վկայականը,
- ամուսնության վկայականը,
- ծնողների ամուսնության վկայականը,
- երեխաների ծննդյան վկայականները,
- ծնողների, կնոջ (ամուսնու), չափահաս զավակների անձնագրերը (կամ նույնականացման քարտերը), հանրային ծառայությունների համարանիշները (սոց.քարտ),
- ընտանիքի մահացած անդամների մահվան վկայականները,
- հաշմանդամության զինվորական կենսաթոշակ ստանալու փաստը հավաստող տեղեկանք,
- անձնագրային բաժնից` բնակության հաշվառման վայրի վերաբերյալ տեղեկանք` տրված բնակչության պետական ռեգիստրի համապատասխան ստորաբաժանման կողմից (ընտանիքի բոլոր անդամների վերաբերյալ` զոհվածի ծնողներ, կին (ամուսին), զավակներ),
- հուղարկավորման վայրից տեղեկանք,
- այլ փաստաթղթեր (ամուսնալուծության վկայական, հայրության ճանաչման վկայական, պահեստազորից զորակոչելու վերաբերյալ Զինկոմիսարիատի տեղեկանք և այլն):
Զոհված (մահացած), անհայտ կորելու հետևանքով դատական կարգով մահացած ճանաչված զինծառայողների ընտանիքների անդամներին անհարժեշտ է ներկայացնել զինծառայողի՝
- Մահվան վկայականը կամ անհայտ բացակայող կամ մահացած ճանաչելու վերաբերյալ դատարանի վճիռ,
- ծննդյան վկայականը,
- ամուսնության վկայականը,
- ծնողների ամուսնության վկայականը,
- երեխաների ծննդյան վկայականները,
- ծնողների, կնոջ (ամուսնու), չափահաս զավակների անձնագրերը (կամ նույնականացման քարտերը), հանրային ծառայությունների համարանիշները (սոց.քարտ),
- ընտանիքի մահացած անդամների մահվան վկայականները,
- անձնագրային բաժնից` բնակության հաշվառման վայրի վերաբերյալ տեղեկանք` տրված բնակչության պետական ռեգիստրի համապատասխան ստորաբաժանման կողմից (ընտանիքի բոլոր անդամների վերաբերյալ` զոհվածի ծնողներ, կին (ամուսին), զավակներ),
- հուղարկավորման վայրից տեղեկանք,
- այլ փաստաթղթեր (ամուսնալուծության վկայական, հայրության ճանաչման վկայական, պահեստազորից զորակոչելու վերաբերյալ Զինկոմիսարիատի տեղեկանք և այլն):